講題：《我會讀好呢本「書」！》
經文：提後3:14-17
引言：
不知道大家仲記唔記得今屆，即係第三屆香港特別行政區行政長官的選舉在邊個日子呢？答案：3月25日舉行。而兩位候選人的競選口號是甚麼？
梁家傑競選口號：「有得揀，你至係老闆！」
曾特首競選口號︰「我會做好呢份工！」
邊個贏，我相信唔洗我多講。不過當時曾特首金句一出，確實即時引來各方各界的談論。由於實在太過精警，不同階層人士紛紛仿效，炮製出差不多的語句，我地一齊睇下香港人幾有創意？
氣功師：「我會發好呢次功！」八達通公司：「我會整好八達通！」天文台：「我會測好呢個風！」
鐘錶師：「我會整好呢個鐘！」廚師：「我會爆好呢碟蔥！」某大公司的專業員工：「我會五點九就鬆 … …」
可以想象到，曾特首這個競選口號，深深咁影響香港市民，確實收到其宣傳的果效。
不過，好多人就開始想，這句口號的含意！有人覺得：打工的思維，即跳不出要侍奉老板。
咁究竟邊個才是真正的老板？我地呢啲香港市民？還要中央呢？
我不想在此討論，因為將來歷史會有答案。
我今天專登以這講題，「我會讀好呢本「書」！」我也想如特首咁達到一個果效，就是大家聽完這堂道之後，都深深咁記得，我地會讀好呢本「書」——而呢本不是普通的書，這本是神的話語：聖經！
本論：
一、點解我要讀聖經？
當我地話會讀好呢本「書」，要讀好聖經，我地首先要知道點解要讀聖經，Why?
你知道嗎，有人會問，信耶穌唔讀聖經得唔得？我信耶穌就得喇！不知在座各位話得唔得呢？
A. (讀經讓我們)認識救恩
經文這裡講到，『這聖經能使你因信基督耶穌，有得救的智慧。』
『有得救的智慧』表示這本聖經能指示人認識、接受上帝的方法，而整本書就是講述一個重要目的，有關上帝的救贖計劃。
所以，若果你唔讀聖經，我要問一個問題，究竟你信耶穌是信D嘜！聖經（雅2:19）也說：魔鬼也信，但卻是戰驚。
你話你信了耶穌，咁誰告訴你有永生？
我幫人做栽培的時候，第一課我一定會叮囑他們一件非常重要的事，就是邊個話比你知你有永生。你千祈唔好話係洪傳道講，因為我唔能夠保證你，最重要記住是聖經講：
『我將這些話寫給你們信奉神兒子之名的人，要叫你們知道自己有永生。』(約一5:13)
我們有永生，是聖經讓我們知道！
所以，我們要好好讀聖經，是因為在聖經裡面，我們才真正認識、了解上帝的救恩！
B. (讀經讓我們)明白真理
若果你唔讀聖經，只是聽人講，人講你就信，不單唔知道有冇得救的把握，並且好可能幾危險！有幾危險，聽下以下我的經歷就知喇：
我好記得在我讀中學的時候，那時我還未信主。有一日我在街上收到一張單張，單張咁寫：神愛你，我愛你！都無嘜特別，但單張上有些圖畫，有些男女無著衫咁歡迎你！
嘩！我那時覺得嘜基督教家陣咁開放！
呢間教會叫做「愛的家庭」、「天父的兒女」，淨係聽個名已經好warm！
佢個教主大衛摩西話自己是上帝的代言人，佢話：
「甚麼都可以做，如果是為了愛而做的話，而有關的人等都同意，因為他們彼此相愛，那麼就沒有罪--這是愛！」聽起來好似無問題，都係講愛！
但就是這所謂神的說話，女信徒因為愛教會的原固，就要買淫為教會賺錢！
佢話這是神的指示，你只要聽就得喇！
可能你會覺得好誇張，但這真是事實！真係有人到現在也被蒙騙。
如果我們唔讀聖經，沒有了聖經作為真理的判斷，試想想，我們都可能一樣加入邪教都唔知道！
將來這裡可能會出現好幾位世界知名的異端或邪教教主添！
所以， 我們要好好讀聖經，是因為在聖經裡面，我們才能明白真理，以至不容易被蒙騙。
我們一同再讀，提後3:16-17
『聖經都是神所默示的，於教訓、督責、使人歸正、教導人學義都是有益的，叫屬神的人得以完全，預備行各樣的善事。』
C. (讀經讓我們)得以完全
這裡聖經清楚指出讀經其中之目的 - 『叫屬神的人得以完全，預備行各樣的善事。』
這裡有兩個目的，「得以完全」、「行各樣的善事」。
「得以完全」就是要成為上帝想我們成為的人 - “Be what God wants us to be”
透過讀聖經，我們能明白上帝的心意，知道祂要求我們裡面要怎樣，成為一個怎樣的基督徒：包括我們的品格、我們的人生價值觀、道德觀念等等。所以，「得以完全」是非常緊要的。若我們唔追求完全，得過且過，對聖經的知識一支半解，你估會點？
我記得小學的時候，一次在出面走廊玩，之後踩到玻璃，成個腳底都係血，跟著即刻返屋企。媽咪見到我成條血路咁行返屋企，直頭唔知點算，在這時候，D街坊就緊係作出援手。
陳師奶就說：快D拿個條地布來，甘實佢唔好比的血流曬出黎！
林太就說：緊係唔好喇，地布有菌！（林太都有D常識！）緊係要用紅藥水止血喇！個傷口咁大，要成支倒落去先得！（，唔係話！）
張師奶就講：緊係唔得！又要止血，又要殺菌，最好係用——薑喇！我個仔平時損，一片薑就好快止血。不知何時，她手上已拿了幾片薑，即刻幫我止血。
你估跟著點？我痛到即刻面都青埋，仲有D暈添！
張師奶見到咁就話：死囉，佢面都青埋，緊係流得過多血！快D送佢入急證室喇！（其實張師奶唔明白，原來我面都青埋係因為佢個幾片薑！）
這個經歷話比我知道，若果我們唔學過急救，只係知道少少就做代表，係幾咁恐怖呢！我就親身經歷過喇！
同樣，若我們不太明白聖經的知識，不了解真理，跟著帶著不知係咪，或者以為係聖經的想法、價值觀去生活，甚至乎去幫助別人，結果不單幫唔到忙，甚至可能會傷害人添！
所以，我們要好好讀聖經，是因為要好好的裝備自己，成為上帝想我們成為的人！
D. (讀經讓我們)活出信仰
「行各樣的善事」就是要做上帝想我們要做的事 - “Do what God wants us to do”
透過聖經，讓我們知道成為基督徒應該要在生活中如何實踐，如何活出我們的信仰。即是說，我們的信仰與我們的生活是分不開。我們信主後唔係即刻走去深山隱居，而是走到人群去見證上帝。但若我們不看聖經，又怎知到上帝要我們做D咩呢？
在聖經裡，主耶穌比我們基督徒的任務，主要有兩大方面：就是我們常常都聽到的：大誡命和大使命！
考考大家，甚麼是大誡命？
太22:37-40
耶穌對他說：「你要盡心、盡性、盡意愛主─你的 神。這是誡命中的第一，且是最大的。其次也相倣，就是要愛人如己。這兩條誡命是律法和先知一切道理的總綱。」
簡單來說，就是愛神、愛人！
大家試想想，若我們唔讀聖經，我們只會以自己的想法去過生活，可能以為自己是愛神、愛人，但原來只是為自己的喜好。
我記得我初信的時候，遇到一個幾頭痛的問題，就是基督徒可唔可以打麻雀！
點解咁頭痛呢？因我未信主前是一個超級打麻雀狂！當然賭錢都賭得幾勁喇！
信主後，我便請教導師，基督徒可唔可以打麻雀。佢話唔得，因為聖經唔比賭錢！
咁唔賭錢呢？（點解我咁問，是因為朋友知我信耶穌，但三缺一，叫我唔睹錢淨係佢地睹咪得囉！）我仲同導師講，我唔賭錢，又唔觸犯聖經，同佢地打牌，還可以傳福音添！
其實，我咁講是因為自己好大癮，所以走聖經法律罅！
但當我看聖經的時候，讀到林前6:12的時候，
凡事我都可行，但不都有益處。凡事我都可行，但無論哪一件，我總不受它的轄制。
係，我正受緊麻雀的轄制！跟著再讀下去，讀到林前10:23-24，佢話：
凡事都可行，但不都有益處。凡事都可行，但不都造就人。無論何人，不要求自己的益處，乃要求別人的益處。
嘩！簡直是當頭棒喝！我話就話可借機同朋友傳福音，但唔單只冇傳到福音，仲令他們因賭錢傷和氣、傷感情添！
所以，我就此決定唔打麻雀！我同朋友講，我唔打麻雀唔係因為基督徒唔打得，事實上，麻雀只不過是個遊戲，我唔打麻雀係因為你地，是為你地原固，唔想你地再賭錢傷感情！
我若果唔讀聖經，可能我只會以自己的想法、自己的喜好去過生活，將自己放第一位，不懂得如何去真正實踐愛神、愛人的誡命。
所以，我們要好好讀聖經，是因為要好好的活出信仰，要做上帝想我們做的事！
二、我要怎樣讀聖經？
好喇！講咁多點解基督徒要讀聖經，你話讀聖經幾咁重要呢！
我想問大家，你會唔會讀好呢本「書」，讀好這本聖經？
我相信，一定會！
但係點樣讀聖經先OK呢？其實讀聖經與我們食野一樣，因為神的話是我們的靈糧。所以請大家留心以下幾點。
1. 我相信我們每天都會食飯，你唔會得閑就食，唔得閑就成個禮拜都唔食！所以讀聖經應該每日都讀，就好似我們需要每日進食一樣。我們唔好等到完全得閑才讀，因我們在香港這裡，生活這樣忙碌，又要返工，又要進修，又有咁多節目和娛樂，幾時先真係得閑呢。
2. 我們BB的時候，一定要揀D易消化的食物開始，同樣，我們讀聖經，應從容易明白的經卷入手。所以，我鼓勵你從新約福音書開始。千祈唔好一開始讀就挑戰難度，讀啟示錄。
我以前初信主的時候，有一個唔好的例子，就是我想快D掌握、了解到本聖經的內容，你估我點讀？大家千祈唔好學，我讀完創世記之後就跟著立刻讀啟示錄，咁就讀完一次聖經！其實，我這樣看聖經，根本完全不能掌握、了解到本聖經的內容，只係得一舊雲！
3. 我們要身體健康成長，就唔可以偏食。我們讀聖經的時候，少不免會遇到許多唔明或難讀的經文。所以，我們讀聖經的時候，就算難讀的都要讀，e.g. 民數記、但以理書、啟示錄這些書卷，唔好skip，就好似唔好偏食一樣。況且，我們有教會的弟兄姊妹、傳道人嗎！有咩唔明，放心問我地喇！
4. 我們食飯，都唔會求其亂咁食，你都會計劃下食D咩好野，增加自己的食慾，同樣，我們讀聖經也應該找方法有計劃幫助自己讀，令自己更加有興趣咁去讀。例如，你可以參加教會的各類型查經班，比自己讀聖經更有趣味。不知大家知唔知道現在教會邊日有查經班呀？星期一下午、星期二晚、星期六下午等等，還有各類型的主題式查經！黎緊教會還有全年的讀經運動，鼓勵大家務必要參加。因為弟兄姊妹一齊讀，彼此互相鼓勵及支持，我相信，讀聖經一定冇難度！
總結：
在一八九四年的某一天，許多中國的信徒聚集商議，要送一件禮物給慈禧太后，慶祝她六十大壽。在祝壽當天，他們送了一個精緻的松木匣子，裡面有一個紅色的絲絨匣子，再裡層是光可鑑人的銀匣，銀匣中放著一本聖經，這本聖經有四磅半，用白色緞子為書頁，四週印上金花，書面是銀製的，上面刻著幾隻鳥和一叢竹，鳥代表信徒，竹報平安。如今這本全新精裝聖經，卻在美國聖經公會的藏書室，一本未曾用過的聖經，對於慈禧太后有甚麼價值？
今日大部份的基督徒家中都有聖經，甚至不只一本，有的更是皮面金邊。但若只是放著不用，對於我們又有何益處呢？
今天我們的題目：我會讀好呢本「書」！
在這裡好想挑戰大家，返去試吓，放下其他嘢，每日先去讀聖經，say15分鐘，去聆聽一上帝的說話。當我們願意每日咁做時候，你會發現，原來讀聖經並不是一件苦事。相反，我們會經歷到，基督徒的生命是可以如此精彩，可以如此豐盛！因為原來上帝在不知不覺間，透過佢話語，改變我們的生命！
經文：提後3:14-17
引言：
不知道大家仲記唔記得今屆，即係第三屆香港特別行政區行政長官的選舉在邊個日子呢？答案：3月25日舉行。而兩位候選人的競選口號是甚麼？
梁家傑競選口號：「有得揀，你至係老闆！」
曾特首競選口號︰「我會做好呢份工！」
邊個贏，我相信唔洗我多講。不過當時曾特首金句一出，確實即時引來各方各界的談論。由於實在太過精警，不同階層人士紛紛仿效，炮製出差不多的語句，我地一齊睇下香港人幾有創意？
氣功師：「我會發好呢次功！」八達通公司：「我會整好八達通！」天文台：「我會測好呢個風！」
鐘錶師：「我會整好呢個鐘！」廚師：「我會爆好呢碟蔥！」某大公司的專業員工：「我會五點九就鬆 … …」
可以想象到，曾特首這個競選口號，深深咁影響香港市民，確實收到其宣傳的果效。
不過，好多人就開始想，這句口號的含意！有人覺得：打工的思維，即跳不出要侍奉老板。
咁究竟邊個才是真正的老板？我地呢啲香港市民？還要中央呢？
我不想在此討論，因為將來歷史會有答案。
我今天專登以這講題，「我會讀好呢本「書」！」我也想如特首咁達到一個果效，就是大家聽完這堂道之後，都深深咁記得，我地會讀好呢本「書」——而呢本不是普通的書，這本是神的話語：聖經！
本論：
一、點解我要讀聖經？
當我地話會讀好呢本「書」，要讀好聖經，我地首先要知道點解要讀聖經，Why?
你知道嗎，有人會問，信耶穌唔讀聖經得唔得？我信耶穌就得喇！不知在座各位話得唔得呢？
A. (讀經讓我們)認識救恩
經文這裡講到，『這聖經能使你因信基督耶穌，有得救的智慧。』
『有得救的智慧』表示這本聖經能指示人認識、接受上帝的方法，而整本書就是講述一個重要目的，有關上帝的救贖計劃。
所以，若果你唔讀聖經，我要問一個問題，究竟你信耶穌是信D嘜！聖經（雅2:19）也說：魔鬼也信，但卻是戰驚。
你話你信了耶穌，咁誰告訴你有永生？
我幫人做栽培的時候，第一課我一定會叮囑他們一件非常重要的事，就是邊個話比你知你有永生。你千祈唔好話係洪傳道講，因為我唔能夠保證你，最重要記住是聖經講：
『我將這些話寫給你們信奉神兒子之名的人，要叫你們知道自己有永生。』(約一5:13)
我們有永生，是聖經讓我們知道！
所以，我們要好好讀聖經，是因為在聖經裡面，我們才真正認識、了解上帝的救恩！
B. (讀經讓我們)明白真理
若果你唔讀聖經，只是聽人講，人講你就信，不單唔知道有冇得救的把握，並且好可能幾危險！有幾危險，聽下以下我的經歷就知喇：
我好記得在我讀中學的時候，那時我還未信主。有一日我在街上收到一張單張，單張咁寫：神愛你，我愛你！都無嘜特別，但單張上有些圖畫，有些男女無著衫咁歡迎你！
嘩！我那時覺得嘜基督教家陣咁開放！
呢間教會叫做「愛的家庭」、「天父的兒女」，淨係聽個名已經好warm！
佢個教主大衛摩西話自己是上帝的代言人，佢話：
「甚麼都可以做，如果是為了愛而做的話，而有關的人等都同意，因為他們彼此相愛，那麼就沒有罪--這是愛！」聽起來好似無問題，都係講愛！
但就是這所謂神的說話，女信徒因為愛教會的原固，就要買淫為教會賺錢！
佢話這是神的指示，你只要聽就得喇！
可能你會覺得好誇張，但這真是事實！真係有人到現在也被蒙騙。
如果我們唔讀聖經，沒有了聖經作為真理的判斷，試想想，我們都可能一樣加入邪教都唔知道！
將來這裡可能會出現好幾位世界知名的異端或邪教教主添！
所以， 我們要好好讀聖經，是因為在聖經裡面，我們才能明白真理，以至不容易被蒙騙。
我們一同再讀，提後3:16-17
『聖經都是神所默示的，於教訓、督責、使人歸正、教導人學義都是有益的，叫屬神的人得以完全，預備行各樣的善事。』
C. (讀經讓我們)得以完全
這裡聖經清楚指出讀經其中之目的 - 『叫屬神的人得以完全，預備行各樣的善事。』
這裡有兩個目的，「得以完全」、「行各樣的善事」。
「得以完全」就是要成為上帝想我們成為的人 - “Be what God wants us to be”
透過讀聖經，我們能明白上帝的心意，知道祂要求我們裡面要怎樣，成為一個怎樣的基督徒：包括我們的品格、我們的人生價值觀、道德觀念等等。所以，「得以完全」是非常緊要的。若我們唔追求完全，得過且過，對聖經的知識一支半解，你估會點？
我記得小學的時候，一次在出面走廊玩，之後踩到玻璃，成個腳底都係血，跟著即刻返屋企。媽咪見到我成條血路咁行返屋企，直頭唔知點算，在這時候，D街坊就緊係作出援手。
陳師奶就說：快D拿個條地布來，甘實佢唔好比的血流曬出黎！
林太就說：緊係唔好喇，地布有菌！（林太都有D常識！）緊係要用紅藥水止血喇！個傷口咁大，要成支倒落去先得！（，唔係話！）
張師奶就講：緊係唔得！又要止血，又要殺菌，最好係用——薑喇！我個仔平時損，一片薑就好快止血。不知何時，她手上已拿了幾片薑，即刻幫我止血。
你估跟著點？我痛到即刻面都青埋，仲有D暈添！
張師奶見到咁就話：死囉，佢面都青埋，緊係流得過多血！快D送佢入急證室喇！（其實張師奶唔明白，原來我面都青埋係因為佢個幾片薑！）
這個經歷話比我知道，若果我們唔學過急救，只係知道少少就做代表，係幾咁恐怖呢！我就親身經歷過喇！
同樣，若我們不太明白聖經的知識，不了解真理，跟著帶著不知係咪，或者以為係聖經的想法、價值觀去生活，甚至乎去幫助別人，結果不單幫唔到忙，甚至可能會傷害人添！
所以，我們要好好讀聖經，是因為要好好的裝備自己，成為上帝想我們成為的人！
D. (讀經讓我們)活出信仰
「行各樣的善事」就是要做上帝想我們要做的事 - “Do what God wants us to do”
透過聖經，讓我們知道成為基督徒應該要在生活中如何實踐，如何活出我們的信仰。即是說，我們的信仰與我們的生活是分不開。我們信主後唔係即刻走去深山隱居，而是走到人群去見證上帝。但若我們不看聖經，又怎知到上帝要我們做D咩呢？
在聖經裡，主耶穌比我們基督徒的任務，主要有兩大方面：就是我們常常都聽到的：大誡命和大使命！
考考大家，甚麼是大誡命？
太22:37-40
耶穌對他說：「你要盡心、盡性、盡意愛主─你的 神。這是誡命中的第一，且是最大的。其次也相倣，就是要愛人如己。這兩條誡命是律法和先知一切道理的總綱。」
簡單來說，就是愛神、愛人！
大家試想想，若我們唔讀聖經，我們只會以自己的想法去過生活，可能以為自己是愛神、愛人，但原來只是為自己的喜好。
我記得我初信的時候，遇到一個幾頭痛的問題，就是基督徒可唔可以打麻雀！
點解咁頭痛呢？因我未信主前是一個超級打麻雀狂！當然賭錢都賭得幾勁喇！
信主後，我便請教導師，基督徒可唔可以打麻雀。佢話唔得，因為聖經唔比賭錢！
咁唔賭錢呢？（點解我咁問，是因為朋友知我信耶穌，但三缺一，叫我唔睹錢淨係佢地睹咪得囉！）我仲同導師講，我唔賭錢，又唔觸犯聖經，同佢地打牌，還可以傳福音添！
其實，我咁講是因為自己好大癮，所以走聖經法律罅！
但當我看聖經的時候，讀到林前6:12的時候，
凡事我都可行，但不都有益處。凡事我都可行，但無論哪一件，我總不受它的轄制。
係，我正受緊麻雀的轄制！跟著再讀下去，讀到林前10:23-24，佢話：
凡事都可行，但不都有益處。凡事都可行，但不都造就人。無論何人，不要求自己的益處，乃要求別人的益處。
嘩！簡直是當頭棒喝！我話就話可借機同朋友傳福音，但唔單只冇傳到福音，仲令他們因賭錢傷和氣、傷感情添！
所以，我就此決定唔打麻雀！我同朋友講，我唔打麻雀唔係因為基督徒唔打得，事實上，麻雀只不過是個遊戲，我唔打麻雀係因為你地，是為你地原固，唔想你地再賭錢傷感情！
我若果唔讀聖經，可能我只會以自己的想法、自己的喜好去過生活，將自己放第一位，不懂得如何去真正實踐愛神、愛人的誡命。
所以，我們要好好讀聖經，是因為要好好的活出信仰，要做上帝想我們做的事！
二、我要怎樣讀聖經？
好喇！講咁多點解基督徒要讀聖經，你話讀聖經幾咁重要呢！
我想問大家，你會唔會讀好呢本「書」，讀好這本聖經？
我相信，一定會！
但係點樣讀聖經先OK呢？其實讀聖經與我們食野一樣，因為神的話是我們的靈糧。所以請大家留心以下幾點。
1. 我相信我們每天都會食飯，你唔會得閑就食，唔得閑就成個禮拜都唔食！所以讀聖經應該每日都讀，就好似我們需要每日進食一樣。我們唔好等到完全得閑才讀，因我們在香港這裡，生活這樣忙碌，又要返工，又要進修，又有咁多節目和娛樂，幾時先真係得閑呢。
2. 我們BB的時候，一定要揀D易消化的食物開始，同樣，我們讀聖經，應從容易明白的經卷入手。所以，我鼓勵你從新約福音書開始。千祈唔好一開始讀就挑戰難度，讀啟示錄。
我以前初信主的時候，有一個唔好的例子，就是我想快D掌握、了解到本聖經的內容，你估我點讀？大家千祈唔好學，我讀完創世記之後就跟著立刻讀啟示錄，咁就讀完一次聖經！其實，我這樣看聖經，根本完全不能掌握、了解到本聖經的內容，只係得一舊雲！
3. 我們要身體健康成長，就唔可以偏食。我們讀聖經的時候，少不免會遇到許多唔明或難讀的經文。所以，我們讀聖經的時候，就算難讀的都要讀，e.g. 民數記、但以理書、啟示錄這些書卷，唔好skip，就好似唔好偏食一樣。況且，我們有教會的弟兄姊妹、傳道人嗎！有咩唔明，放心問我地喇！
4. 我們食飯，都唔會求其亂咁食，你都會計劃下食D咩好野，增加自己的食慾，同樣，我們讀聖經也應該找方法有計劃幫助自己讀，令自己更加有興趣咁去讀。例如，你可以參加教會的各類型查經班，比自己讀聖經更有趣味。不知大家知唔知道現在教會邊日有查經班呀？星期一下午、星期二晚、星期六下午等等，還有各類型的主題式查經！黎緊教會還有全年的讀經運動，鼓勵大家務必要參加。因為弟兄姊妹一齊讀，彼此互相鼓勵及支持，我相信，讀聖經一定冇難度！
總結：
在一八九四年的某一天，許多中國的信徒聚集商議，要送一件禮物給慈禧太后，慶祝她六十大壽。在祝壽當天，他們送了一個精緻的松木匣子，裡面有一個紅色的絲絨匣子，再裡層是光可鑑人的銀匣，銀匣中放著一本聖經，這本聖經有四磅半，用白色緞子為書頁，四週印上金花，書面是銀製的，上面刻著幾隻鳥和一叢竹，鳥代表信徒，竹報平安。如今這本全新精裝聖經，卻在美國聖經公會的藏書室，一本未曾用過的聖經，對於慈禧太后有甚麼價值？
今日大部份的基督徒家中都有聖經，甚至不只一本，有的更是皮面金邊。但若只是放著不用，對於我們又有何益處呢？
今天我們的題目：我會讀好呢本「書」！
在這裡好想挑戰大家，返去試吓，放下其他嘢，每日先去讀聖經，say15分鐘，去聆聽一上帝的說話。當我們願意每日咁做時候，你會發現，原來讀聖經並不是一件苦事。相反，我們會經歷到，基督徒的生命是可以如此精彩，可以如此豐盛！因為原來上帝在不知不覺間，透過佢話語，改變我們的生命！
沒有留言:
張貼留言